हाचोच एक वांटो म्हूण नोबेल मिडिया स्वीडन एबी आनी गोंय सरकाराच्या डीबीटी वतीन आनी विज्ञान आनी तंत्रज्ञान खात्याच्या (डीएसटी) संयुक्त विद्यमानान पणजी हांगा कला अकादमींत नोबेल पुरस्कार माळेचेर एक म्हयन्याचें प्रदर्शन आयोजीत केल्लें. नोबेल पुरस्कार विजेत्याच्या शास्त्रीय आविश्कारांचेर तशेंच भारतीय शास्त्रज्ञांचें जिवीत आनी शास्त्रीय योगदान हांचेविशीं माहिती पॅनल आनी कार्य मॉड्यूल दाखयले. शिक्षण खातें, उच्च शिक्षण संचालनालय, गोंय विद्यापीठ आनी विवीध संशोधन आनी शिक्षणीक संस्थेन भोंवडेकारांक प्रदर्शनांत वचपाक सोय केली. ह्या प्रदर्शनाचो एक भाग म्हूण भारतीय शास्त्रज्ञांच्या जिविताचेर दर दिसा खाशेली व्याख्यानां आयोजीत केल्लीं.
सुमार तीस हजार स्पर्धकांनी लाभ घेतलो. कार्यावळीचें उक्तावण गोंयचे तत्कालीन मुख्यमंत्री सर्गेस्त श्री. मनोहर पर्रीकार जे स्वता मुंबयच्या इंडियन इन्स्टिट्यूट ऑफ टेक्नॉलॉजींतल्यान (आयआयटी) पदवीधर आशिल्ले. नोबेल पुरस्कार माळ ही संवसारभरांतल्या विज्ञानीक दिग्गजांक मेळपाची आनी तांचे कडेन संवाद सादपाची आनी तांचे कडल्यान आनी तांच्या संशोधनात्मक आविश्कारांतल्यान शिकपाची एक उत्कृश्ट संद आसा अशें मत ताणें आपल्या उक्तावण भाशणांत उक्तायलें. नोबेल माळ ही गोंयांत वर्सुकी कार्यावळ जातली आनी ताचें सरकार तें आयोजीत करपाक आदार दितलें अशें तांणी आपल्या उक्तावण भाशणांत जाहीर केलें.
तांच्या बांधिलकीचो भोवमान करून आनी तांची वैज्ञानीक दृश्टी फुडें व्हरतना गोंय सरकारान 13 डिसेंबर 2019 दिसा 'मनोहर पर्रीकार विज्ञान महोत्सव' ह्या बॅनरा खाला तांच्या जयंती निमतान दोन दिसांची वैज्ञानीक कार्यक्रमाचे आयोजन करपाचें थारायलें. विज्ञान आनी तंत्रज्ञान खात्या वरवीं हे कार्यावळीचें वेवस्थापन जालें.
हे कार्यावळीक सकयल दिल्ल्या संस्थांनी अभिमानान आदार दिला:
1)उच्च शिक्षण संचालनालय
2) शिक्षण संचालनालय
3)तंत्रीक शिक्षण संचालनालय
4) माहिती आनी प्रसिद्धी खातें
5)शिश्टाचार खातें
6)गोंय राज्य प्रदूशण नियंत्रण मंडळ
7) गोंय राज्य नवनिर्माण मंडळ
8)गोंय कोयर वेवस्थापन म्हामंडळ
9)गोंय पर्यटन उदरगत म्हामंडळ
10) पर्यावरण शिक्षण केंद्र
11) गोंय विद्यापीठ
12) विभा
हे कार्यावळी खातीर तंत्रीक सल्लागार म्हूण सकयल दिल्ल्या संस्थांचीय नेमणूक जाली:
1) सीएसआयआर-नॅशनल इन्स्टिट्यूट ऑफ ओशनोग्राफी
2) भारतीय तंत्रज्ञान संस्था, गोंय
3) बिर्ला तंत्रज्ञान आनी विज्ञान संस्था (बिर्ला इन्स्टिट्यूट ऑफ टेक्नॉलॉजी अँड सायन्स), केके बिर्ला कॅम्पस, गोंय
4) राष्ट्रीय तंत्रज्ञान संस्था, गोंय
दर वर्सा 13 डिसेंबराक गोंयांत विवीध सुवातींनी जावपी आनी गोंयच्या विद्यार्थी आनी शिक्षणीक समाजा खातीर जावपी ही कार्यावळ आतां विज्ञान, तंत्रगिन्यान आनी नवनिर्मणेच्या मळार गोंयांतली मुखेल व्याख्यान माळ जाल्या. तशेंच ही कार्यावळीचे यूट्यूब आनी फेसबूकाचेरूय थेट प्रक्षेपण करता.
